Ginserbihan it panibag-ong warrant of arrest si dating Bamban, Tarlac Mayor Alice Guo angot sa three counts it pageabag sa Republic Act No. 3019 ukon Anti-Graft and Corrupt Practices Act.
Ro warrant hay ginpaguwa it Pasig Regional Trial Court Branch 67 ag kaibahan sa kaso ro 11 iba pang indibidwal.
Nagtaeana ro korte it P90,000 piyansa para sa kada numero it kaso.
Sa makaron, nakakulong si Guo sa Correctional Institution for Women sa Mandaluyong City matapos nga sentensiyahan it guilty it Pasig court sa kasong qualified human trafficking ag nasentensiyahan it reclusion perpetua ukon life imprisonment.
Mag-eowas kay Guo, ginsentensiyahan man it hasta nagakabuhi nga pagkakulong ro anang mga co-accused nga sanday Rachelle Malonzo Carreon, Jaimielyn Cruz, Walter Wong Rong, Wang Weili, Wuli Dong, Nong Ding Chang ag Nong Ding Chang.
Ginmanduan man sanda nga magbayad it P2 million nga multa sa kada kaso.
Ginmanduan man it korte ro pagkumpiska it P6-billion Baofu compound, kamana man ro permanenteng pagbawi sa registration it Baofu Land Development Inc., Hongsheng Gaming Technology Inc., ag Zun Yuan Technology Inc.
