Ginkumpirma ni Bureau of Immigration (BI) commissioner Norman Tansingco nga may nabaton sandang impormasyon nga nagapabilin makaron sa Jakarta, Indonesia si dismissed Bamban Tarlac, Mayor Alice Guo.
Ro nasambit nga impormasyon sigon hay ginpakigbahin kana ko nagtaliwan nga gabie.
Ginbulgar raya ni Tansingco sa ginpatigayon nga inquiry it Senate justice and human rights subcommittee sa senado kasunod it pagpangusisa it mga senador kay Sheila Guo kon sa siin ro lokasyon makaron it dating alkalde.
Gin-ako ni Sheila Guo nga kaibahan nana nga nagpaeagyo ag nagguwa it Pilipinas si Alice Guo ag si Wesley Guo.
Sanda hay parehong gin-eakot sa ilegal nga operasyon it Philippine Offshore Gaming Operators sa andang banwa sa Tarlac ag ginaangot man sa ginsalakay nga scam hub ukon Philippine Offshore Gaming Operators hub sa Porac, Pampanga.
