NATIONAL News — Sangka ‘welcome development’ para sa legal team ni dismissed Bamban, Tarlac Mayor Alice Guo ro pagkadakop kana sa Indonesia.
Sa statement it kampo ni Guo, ginpahayag nga mataw-an eon it kahigayunan ro dating alkalde nga masabat ro mga legal issue nga ginahaboy kontra kana ag ro mga reklamo nga ginapangatubang kara kapareho it qualified human trafficking, money laundering, ag tax evasion nga nag-ugat sa gina-alegar nga kaangtanan kara sa Philippine offshore gaming operator (POGO) sa Bamban.
Mag-eowas kara, na-kwestyon man pati ro anang identity nga natukiban nga sangka Chinese national gale nga si Guo Hua Ping.
Suno sa team, nagapasaeamat sanda nga eowas ro pagkadakop kay Guo eabi pa ag nagakabaeaka sanda sa anang ikamayad nga eawas, safety, ag seguridad umpisa nga naduea raya sa Pilipinas.
“We, the Legal Team of Alice L. Guo, would like to express our gratitude and relief regarding the safe apprehension of then Bamban, Tarlac Mayor Alice Leal Guo,” kabahin sang statement.
“She may not know or realize it by now, but this recent event can be a good start for all her cases.”
Nag-apela man ro kampo sa publiko nga likawan anay ro paghaboy it mga akusasyon kontra sa dating mayor bangud nagapabilin raya nga inosente samtang owa pa napamatud-an ro mga reklamo kontra kana.
“We would like to remind the public that unless proven otherwise, Alice L. Guo is innocent… In relation to this, we respectfully urge the public to refrain from making crude and malicious comments and baseless accusations as all matters related to our client will be ventilated and answered in the proper forum and before courts of competent jurisdiction,” dugang sang legal team.
Miyerkules it aga-aga kat nadakpan si Guo sa Tangerang, Indonesia ag gina-proseso eon ro anang pagbalik sa Pilipinas.
Nagaeaum ro awtoridad nga pagahimuon raya makaron nga domingo.
