Magkaibahan sa sangka selda si dismissed Mayor it Bamban, Tarlac nga si former Mayor Alice Guo ag ro sambilog sa mga kaibahan nga akusado ni Kingdom of Jesus Christ (KOJC) Pastor Apollo Quiboloy, suno sa Bureau of Jail Management and Penology (BJMP).
Ginhambae ni BJMP Spokesperson JSupt. Jayrex Bustinera nga ginasaligan nga igahalin si Guo halin sa PNP custodial facility sa Camp Crame paadto sa Pasig City Jail Female Dormitory makaron nga adlaw, Sept. 23.
Suno pa kay Bustinera, nga ko nagtaliwan nga daywang dominggo hay may una raya nga tatlong dinaea nga kaibahang akusado ni Quiboloy, ginbueog-eag raya bangod tatlo ro eang ro selda, ag ro sambilog sa mga raya hay magiging kaibahan ni Guo pati eon man ro iba pang presenteng nakakulong.
Uwa sigon it anumang special preparation para sa selda it ginpahalin nga mayor bangod nagasunod eamang sanda ra sa korte ag kung ano ro dating itsura it selda, hay imaw man ro maabutan ni Guo.
Samtang, una eon nga nagdihon man si Atty. Si Nicole Jamilla, legal counsel ni Guo, it urgent motion ko Sabado sa Pasig Regional Trial Court (RTC) nga nagahinyo nga magpabilin si Guo sa PNP custodial facility. Apang ginpahaum eon nanda si Guo kung ingkaso nga indi maaprubahan ro anda nga ginahinyo.
