Ginhambae ni Presidential Anti-Organized Crime Commission (PAOCC) kahapon nga Sabado, Agosto 24 nga posibleng may mga nagbulig nga public official para makaguwa it Nasyon si dismissed Bamban, Tarlac Mayor Alice Guo maskin nga may Immigration Lookout Bulletin Order (ILBO) kuntra kana.
Suno kay PAOCC spokesperson Winston Casio sa news forum nga possible nga nakabaton it bulig si Guo para makaabot it Batam, Indonesia.
Madomdan nga ginhambae ni Senador Risa Hontiveros ko Lunes nga si Guo hay nakaguwa eon it nasyon ko Hulyo 18 paadto raya it Kuala Lumpur, Malaysia.
Ginhambae man it PAOCC nga nag adto si Guo sa tatlong nasyon, ro Malaysia, Singapore ag Indonesia halin kat maghalin raya sa Pilipinas.
Samtang gin hambae man ni Bureau of Immigration (BI) spokesperson Dana Sandoval nga sa Indonesia pa gihapon si Guo ag uwa it balak nga maghalin it Nasyon.
