Naging makolor ro seremonya sa pagpakasae it groom nga alkalde ag bride nga buaya sa Mexico.
Gin-ilisan it puti nga gown ag may mga palamuti pa sa eawas ro pitong dag-on nga buaya para sa kasae nanda ni Victor Hugo Sosa, ro alkalde it maisot nga banwa it San Pedro Huamelula sa Oaxaca, Mexico.
Base sa report, ro pagpakasae hay kaparte it ritwal agud nga magpangayo it kabuganaan halin sa palibot ro mga tawo.
Ginasugid nga nagasimbolo it pagbuylog it tawo sa kasagraduhan ro pagpakasae it daywa nga sangka sina-unang ritwal it Chontal ag Huave indigenous communities sa Oaxaca.
May una nga mga pagsinaot sa seremonya sa tunog it tradisyunal nga tukar.
Ro ritwal hay nagtapos sa pagharu it alkalde sa anang bride nga buaya sa ibabaw it sungad nga may higot.
Ginpahayag man ni Elia Edith Aguilar, nagatindog nga ninang ag nag-organisa it kasae nga ro seremonya hay nagtau kanda it sobrang kasadya ag ginapabugae nana ro anang ginhalinan.
Makabig sigon raya nga manami nga tradisyon.
