KALIBO, Aklan—Ginpunto it Alliance of Concerned Teachers ukon ACT group nga dapat iprayoridad ro panawagan nga salary increase para sa mga manugturo eabi eon makaron nga ginaselebrar ro Teacher’s Month.
Suno kay ACT national chairperson Vladimer Quetua, sambilog raya sa padayon nanda nga ginaduso sa bag-ong sekretaryo it Department of Education sa pagkatawo ni Sonny Angara.
apang, medyo malabo pang makit-an ro P50,000 pesos salary sa first level entry it mga manugturo bangud nga ro klaro makaron hay ro dugang nga P50 pesos kada adlaw nga masyadong manaba kon ikumpara sa trabaho it mga pampublikong manugturo.
Maabo sigon nga ginpaabot nga rekomendasyon ro andang grupo para sa kapakanan it mga manugturo nga ginaeauman nandang mataw-an it igtaeopangod it bag-ong DepEd secretary.
Sa pihak kara, ginbatikos ni Quetua ro uwa natyempo nga libro ni dating DepEd Secretary ag Vice President Sara Duterte nga ginpangayuan nana it pondo nga P10 milyon pesos.
Ginpahayag dugang nga maabo sigon nga problema sa sektor it edukasyon nga kinahang-ean mataw-an it mabahoe nga pondo apang sa nagapadayon nga deliberasyon it natungdan nga komitiba hay nagaguwa nga ginapagkaitan gihapon it nagakadapat nga pondo ro DepEd nga posibleng daea it mga isyu ag kontrobersiya nga gin-aywanan ni VP Sara.
