Ginpaboran it Alliance of Concerned Teachers ukon ACT nga makaangkon it rebisyon sa K to 12 curriculum.
Suno kay ACT secretary general Raymund Basilio kinahang-ean nga makit-an sa curriculum nga ro ginaturo sa mga estudyante hay ro angkop man sa andang potensyal kon sa siin kinahang-ean ro nagakabagay nga mekanismo para dikara.
Ginpahayag dugang ni Basilio nga ro assessment it Department of Education sa pag-usisa sa K to 12 curriculum hay dapat 2018 pa ginpaguwa ukon limang dag-on matapos ro pagtukod it programa pinaagi sa Enhanced Basic Education Act.
Nauna eon sigon nga ginpahayag nanda nga bukon it K to 12 ro solusyon agud nga maging competitive ro mga pamatan-on kundi pabaskugon ro public education, pondohan it maayos, magpatindog it maabong public universities and colleges agud nga makaangkon it kalidad nga edukasyon hasta nga makatungtong ro mga raya sa kolehiyo nga makakita it maayos nga trabaho matapos nga maka-graduate.
Madumduman nga sa presentasyon it Basic Education Report 2023, ginpahayag ni Vice President ag Education Secretary Sara Duterte nga rerebisahin ro K to 12 curriculum para makapag-produce it mas “competent, job-ready, active, and responsible” graduates.
