Kontento ro Alliance of Fiilipino Overseas Community sa Jakarta, Indonesia sa mga ginpresentar nga concern ag issues ni Pangueong Ferdinand Marcos Jr. sa plenaryo sa ginpatigayon nga 42nd Association of Southeast Asian Nations (ASEAN) Summit sa nasambit nga nasyon.
Suno kay Bombo International Correspondent Rudy Celeste, ginbuhian it presidente ro topiko angot sa West Philippine Sea agud nga makabuoe it peace support, food security para sa mga Pilipino nga masigurong uwa it magutom sa idaeom it anang administrasyon kamana man sa enerhiya bangud nga eaban kara hay nakadepende kita sa importasyon.
Apang, ro gusto makaron it andang organisasyon nga makipag-angot sa mga natungdan nga ahensya it gobyerno agud nga maiimpart ro andang kasayuran bilang mabuhay eon nga residente it Indonesia.
Sa raya nga pamaagi suno kana hay makabulig sanda sa nasyon sa pagpabaskog it ekonomiya, kultura ag pagpasanyog it exportation it nagkaeain-eain nga produkto.
Agud nga matuman ro food security hay kinahang-ean nga may bastante ag supisyento nga produkto nga ginaproduce locally ag kon inde masarangan hay duyon eon ro tyempo agud nga mag-import.
Inde paghimuon nga prayoridad ro importation kundi option eamang raya kon inde masarangan nga magproduce sa nagkaeain-eain nga pamaagi.
