Preparado eon ro mga kapulisan it Altavas Municipal Police Station sa pagsikyar sa seguridad ag kaeowasan it mga deboto, bisita ag merrymakers nga makisadya sa kaugalingon nga bersyon it Ati-Atihan Festival 2023.
Suno kay PLt. Donnie Magbanua, OIC chief of Police it Altavas PNP Station nga may augmented personnel maghalin sa 1st Aklan Police Mobile Force Company nga magadugang sa andang pwersa para sa security measures sa festival zone.
May pila ka mga aktibidad eon nga ginpatigayon sa nagapadayon man nga week-long celebration it Sto. Niño Ati-Atihan Festival 2023.
Panugyan kara sa publiko nga inde eon magdaea it mga backpack, hinangiban, armas, barbecue stick ag mga de botelyang ilimnon bangud nga hugot raya nga ginabawaean sa nasambit nga okasyon.
May mga re-routing nga igapatuman sa highlights it festival sa adlaw it Sabado hasta it Dominggo agud nga taw-an it daean ag kahigayunan ro mga grupo nga magasadsad sa mga nagapangunang daeanon sa nasambit nga banwa.
