KALIBO, Aklan— Aminado si P/Capt Jason Belcina, hepe it Altavas Police Station nga may gintukod gid man sanda nga checkpoint sa Man-up area sa boundary it Batan ag Altavas.
Suno kana nga ro nasambit nga tikang hay bilang precautionary measure matapos nga ginpaidaeum sa granular lockdown ro Sitio Centro, Brgy. Napti, Batan kasunod it pag-positibo sa COVID-19 it sangka nag-uli nga seaman nga residente it nasambit nga lugar.
Ginklaru kara nga gina-check eamang nanda ro body temperature it kutob sa mga naga-agi sa nasambit nga lugar mag-eowas pa sa ibang mga importanteng detalye it pagkatawo pinaagi sa andang ID ag iba pang dokumento ag ro purpose it andang panaw.
Instrikto sigon sanda sa mga residente it napti ag ginapabalik nanda sa andang lugar.
