Klalibo Aklan —–Mas pang ginpabaskog it Altavas Police Station ro andang border control checkpoints matapos nga makalista eon it kaso it coronavirus disease (COVID-19) sa kaiping nga probinsiya it Capiz partikular sa banwa it Jamindan.
Raya hay sa atubang it ginapatuman nga Provincial Quarantine Lockdown.
Suno kay P/Major Kenneth Paniesa, Hepe it Altavas Pnp nga hugut nanda nga ginapatuman ro mga nakabaehag sa Executive Order No. 20 nga ginpaguwa ni Aklan Governor Florencio Miraflores .
Ginpahayag dugang nga ro andang pagpatigayon it quarantine checkpoint protocol hay nakabase sa Joint Task Force COVID-19 Shield.
Bawae eon suno kana nga makasueod sa Aklan ro mga indibidwal nga owa naeakip sa mga authorized person outside the residence.
Gina-require man sigon nanda ro mga biyahero nga magpakita it andang quarantine pass .
Dugang pa ni Major Paniesa nga ro andang pagbutang it border control checkpoints sa Brgy. Cabangila ag Lupo hay bilang precautionary move kontra COVID-19.
Hugut man nanda nga gina-obliga ro mga pampasaherong jeep nga 10 eamang nga pasahero ro pwedeng maisakay.
Ginkalipay man it opisyal bangud nga haeos tanan nga mga pumueuyu sa nasambit nga banwa hay nagasunod sa ginapatuman nga curfew ag liquor ban.
