-- ADVERTISEMENT --
KALIBO, Aklan—Ginaduso makaron it Philippine Institute of Traditional and Alternative Health Care (PITAHC) nga mai-eakip sa coverage it Philippine Health Insurance Corporation (PhilHealth) ro mga alternative medicine.
Suno kay PITAHC director general Dr. Annabelle de Guzman, may mga pagtuon eon sanda nga nagapamatuod nga maabo nga nagmayad sa alternatibong pamaagi it pagbueong apang owa eang raya eubos nga nataw-an it husto nga pagkilaea.
Pag-insister ni De Guzman, mas maisot ro gastos sa makarondayang klase it proseso, kaysa sa popular nga ginagamit sa mga ospital.
Ginklaro man kara nga bukon it tanan nga alternative medicine hay kinahang-ean nga inumon, bangud may mga pamaagi man nga external apang napamatud-an eon ro pagiging epektibo.
