KALIBO, Aklan — Kritikal makaron ro kondisyon it sangka 29 anyos nga eaeaki matapos nga gin-eabu ag ginbuno it kaugalingon nga ama sa barangay Bakyang, Madalag.
Ro biktima hay ginkilaea kay Reymundo Laurenio, residente it nasambit nga lugar.
Nag-angkon it daeagku nga lastro it pagpang-eabu sa likod ag igu it pagpambuno sa dughan ro nasambitang biktima.
Sa inisyal nga imbestigasyon it Madalag Police Station, nag-angkon it pagsaeabtanan sa magtimbang nga parte.
Bangod kara, gilayon nga nagbuoe it hinangiban ro suspek ag gin-eabu ag ginbuno ro biktima.
Sa makaron hay sa paghinakop eon it mga kapulisan ro suspek nga ama it biktima nga si Edmundo Laurenio, 55-anyos, sangka mangunguma ag residente man it nasambit nga lugar.
Samtang, nagapadayon pa sa makaron ro imbestigasyon it Madalag PNP station may kaangtanan sa nasambitang insidente.
