Kalibo Aklan —–Nagapabilin nga confine sa Aklan Provincial Hospital ro sangka eaeaki matapos nga ginbuno sa sangka namatyan bandang 1:20 kaina it agahon sa Sitio Kaarumahan, Brgy. Bakhaw Norte, Kalibo.
Nag-angkon it lastro sa waea nga porsyon it anang dughan ro biktima nga ginkilaea kay Jomarie Gonzales, 26-anyos matapos nga ginbuno it ginatumod nga suspek nga si Philip Muntaho, 44-anyos, parehong residente it nasambitang lugar.
Base sa inisyal nga imbestigasyon it Kalibo PNP, nakaangkon it diskusyon sa tunga it biktima ag unga it suspek nga nakilaea kay David Muntaho, 19-anyos samtang nagahampang sanda it baraha partikular it pusoy.
Bangud sa nagtuhaw nga kumusyon hay gilayon nga ginbuno it suspek si Gonzales.
Aminado man ro suspek nga una imaw sa idaeom it makahieilong nga ilimnon kat matabo ro pagpamuno.
Samtang, nakaangkon man it lastro sa ueo ro suspek matapos imaw nga eampusan it grupo it biktima kamana man nga nakaangkon it lastro sa waea nga porsyon it mata ro unga kara nga si David kasunod it kinagamo.
Sa makarun hay sa paghinakop eon it Kalibo Police Station ro mag-amang Muntaho para sa nagakaigo nga disposisyon.
