KALIBO, Aklan — Naka-confine makaron sa Aklan Provincial Hospital ro sangka 25-anyos nga eaeaki matapos nga bun-on it kaugalingon nga ama sa Sitio Laguna, Brgy. Union, Nabas.
Nakilaea ro biktima nga si Josegani Santillan, Jr, residente it nasambit nga lugar nga nag-angkon it igo it pagbuno sa tiyan, waea nga dughan, abaga ag tudlo.
Nakakulong man sa detention cell it Nabas Police Station ro suspek nga si Josegani Santillan, Sr, 60, ag residente man it nasambit nga lugar.
Base sa report, natabu ro insidente samtang nga nagapa-uli ro mag-ama halin sa inuman.
Ginsita sigon it unga ro anang ama bangud sa anang daea nga siyaw butang nga ginkapikon it suspek ag owa it karason-rason nga gulpi nga ginbinuno ro biktima.
Insigidang gindaea it andang kaeapit-baeay ro biktima sa Aklan Baptist Hospital nga ko ulihi hay gin-saylo sa provincial hospital.
