KALIBO, Aklan — Nakakulong ag nagapangatubang sa kasong attempted parricide ro sangka 53 anyos nga ama matapos nga ginhana nga bun-on ro anang tatlong unga sa Brgy. Bubog, Numancia .
Nakilaea ro mga tagreklamo nga sanday Jayme Nacino, 21, Jomar, 20, ag Jason 19, puro magmaeanghud samtang ro suspek hay ro andang kaugalingon nga ama nga si Leonilo Nacino, 53, ag mga residente it nasambit nga lugar .
Base sa report, natabu ro insidente, bandang alas-4:45, Domingo it hapon kat nag-uli ro suspek halin sa Brgy. Pook, Kalibo .
Nag-inom sigon raya it aeak ag kat mahilong hay ginkompronta ro anang mga unga nga sanday Jomar ag Jason kon ham-an nga ginkatay ro anang alagang manok.
Nagbo-oe sigon raya it kutsilyo ag ginhana nga bun-on ro daywa, apang maswerteng nakalikaw.
Kat mag-abot ro sambilog pang unga nga si Jayme hay ginhana man nana nga bun-on matapos magpangutana kon ham-an nga medyu mainit ro anang ueo.
Narekober it mga rumespondeng pulis it Numancia Police Station ro kutsilyo nga nagahaba it pitong pulgada .
