KALIBO, Aklan–Boluntaryo nga nagsurrender sa Kalibo Municipal Police Station ro sangka ama ag mismong suspek sa pagbuno sa anang kaugalingon nga unga kainang agahon sa Purok 1, R. Barrios St. Brgy. Tigayon, Kalibo
Gin-aku it suspek nga si Rolando Oquendo, 78-anyos ag sangka retired teacher nga nagpang-init ro anang ueo ag nagdueom ro anang panan-awun rason nga nahimo nana nga bun-on ro anang 54-anyos nga panganay nga unga.
Bukon sigon it raya ro anang beses nga nakaangkon sanda it pagsilinangag ukon owa pagka-intindihan it anang unga.
Napuno eon sigon imaw rason nga owa kara napunggan ro anang kaugalingon.
Madumduman nga nag-ugat ro diskusyon it mag-ama bangud sa tiyo it ayam nga gina-usoy it biktima ag ro daywang saewae it suspek nga naduea.
Gin-insister pa kara nga ro biktima eamang ro may access sa andang purtahan rason nga owa imaw it ibang mapasibangdanan.
Ginpahayag dugang nga haum imaw nga magsabat eangkaso nga pasakaan imaw kaso.
Sa makaron hay nagapabilin pa nga confined sa sangka pribadong ospital sa banwa it Kalibo ro biktima matapos nga ipaidaeom sa operasyon tuga it naangkon nga tama it pagbuno sa anang kilid maeapit sa pueanan.
