Kalibo Aklan ——–Nagahimas makarun it maeamig nga rehas sa Kalibo Municipal Police Station ro sangka senior citizen matapos nga gin-eabo ro anang kaugalingon nga unga sa Ilang-ilang road, Brgy. Andagao, Kalibo.
Ro biktima hay ginkilaea kay Juris Lachica, 31 anyos samtang ro suspek nga ama man it bitkima hay ginkilaea kay Richardo Lachica ag parehong residente it nasambitan nga lugar.
Base sa insiyal nga imbestigasyon it mga otoridad, nahimo sigon nga eabuon it suspek ro anang unga bangud sa sobrang kaugot.
Nauna kara nag-uli sigon sa andang panimaeay ro biktima nga una sa idaeum it impluwensiya it makahieilong nga ilimnon kun sa siin gulpi eamang karang ginpaueanan it tueop ro suspek samtang nagapahuway maghalin man sa anang trabaho.
Ko ulihi hay nakadaeagan man ro suspek hasta nga nakabo-oe imaw it armas sa andang kusina nga imaw ro gingamit sa pag-eabo it biktima.
Sa makarun hay padayun pang naka-confined sa Aklan Provincial Hospital ro biktima matapos nga makaangkon it lastro sa waea nga abaga ag kili-kili.
Ro mag-ama hay nakataeanang mag-istorya sa andang Barangay para sa nagakaigo nga disposisyon.
