-- ADVERTISEMENT --
KALIBO, Aklan–Ginkalipay it mga tricycle driver ro amat-amat nga pagnaba it presyo it mga produktong petrolyo.
Raya hay kasunod it ginaeauman nga bigtime oil price rollback sa masunod nga dominggo base sa anunsyo it taga-industriya it langis.
Suno kay Renante Raval, sangka tricycle driver sa banwa it Kalibo nga maskin paano hay makabulig sa andang adlaw-adlaw nga kita ro pagnaba it presyo it kada litro it gasolina.
Apang, napuna man kara ro pagtaas it mga baeak-eon sa merkado kapareho it panakot eabi eon ro sibuyas.
Rason nga medyo ginbawi man ro andang sangkiri nga kita.
-- ADVERTISEMENT --
Nagpanawagan man raya sa gobyerno nga maghimo it pamaagi agud nga mapanaba ro presyo it nagapangunang baeak-eon kaeakip ro petrolyo.
