Gin-turo it European Council president sa pagsalakay it Russia sa Ukraine ro nae-ekperyensyahan nga krisis sa pagkaon sa bilog nga kalibutan.
Sa ginpatigayon nga UN Security Council Meeting, ginpahayag ni European Council president Charles Michel nga gingamit it Russiaro food supplies bilang “stealth missile” kontra sa developing world nga nagabira sa mga pomoeuyo sa kapobrehan.
Suno kay Michel, milyong tonelada it grains ro na-stuck sa pantalan it Ukraine sa Odesa bangud sa pagbaeabag it pwersa it Russia.
Ginaturo man it Europen Council leader ro Russia sa pagpanakaw it grain ag pagpugong sa crop planting ag harvesting sa Ukraine bangud sa andang military activities idto.
Mataeopangdan nga ginhambaean it European Council President nga maghalin eon lang sa nasambit nga pagpueong ro Russian Ambassador kung indi kara mabatonro kinamatuoran.
Rason para si Russian Ambassador to the United Nations Vassily Nebenzia para mag-walk out sa ginpatigayon nga UN Security Council meeting.
Gin-alegar man it Russian Ambassador nga nagapakalhit it kapurilan si Michel.
