Gin-amin it kampo it aktres nga si Amber Heard nga indi nana masarangan nga bayaran ro milyun-milyong dolyar nga damages sa dating asawa nga si Johnny Depp.
Raya hay matapos ro naging desisyon it US jury nga pagabayaran ni Heard ro kapin sa $15-Million nga compensatory ag punitive damages sa anang dating asawa.
Ginpahayag it abogado ni Heard nga si Atty. Elaine Bredehoft nga owa it ikasarang ro aktres nga bayaran ro nasambit nga danyos ag gusto sigon kara nga mag-apela sa naging desisyon it mga hurado.
Dugang pa it abogado ni Heard, maabu nga mga bagay ro gipasugtan sa korte nga owa sigon dapat ginpasugtan una paeang nga kung siin naging rason agud maguluhan ro jury.
Samtang, bangud sigon sa natabo ngara sa kaso ni Heard hay sangka setback ag posibleng mag-discourage sa mga kababayenhan nga i-report ro anuman nga klase it sexual harassment ag abuse.
