-- ADVERTISEMENT --
KALIBO, Aklan–Ginpasiguro it Estados Unidos ag iba pang western allies ro padayun nga pagtao it suporta sa Ukraine.
Suno kay Bombo International Correspondent Greg Aguilar it California, USA nga naga-abot eon sa 15 billion dollar ro naipaabot nga military aid it Amerika sa Ukraine bilang suporta sa nagapadayun nga giyera sa tunga it Russian forces.
Plano sigon makaron it US nga pataasan ag padasigan ro pagpadaea it military supply sa Ukraine kasunod it partial mobilization it Russia.
Ginpahayag pa ni Aguilar nga may nabilin pang 20 billion dollars ro Amerika nga kaparte it gin-aprubahan nga pondo it kongreso nga pagagamiton sa pagbulig sa Ukraine.
