Ginpahayag ni US President Joe Biden nga pagataw-an it United States ro Ukraine it mas advanced nga mga rocket system ag munitions para siguradong pagatamaa ro mga nagapangunang target sa patag it giyera.
Suno kay Biden, naging madasig ro andang naging tikang para mapadaea sa Ukraine ro mga armas ag bala.
Nauna eon nga ginpasiguro it Biden administration nga maspabaskugon pa ro mga klase it armas nga igasumbil sa Ukraine.
Raya hay pamaagi sa pagpadaea it mga advanced, long-range rocket system nga sa makaron hay ro nagapanguna nga naging hinyu maghalin sa mga opisyal it Ukrainian.
Nauna eon nga ginhinyu it ng Ukraine ro High Mobility Artillery Rocket System, nga kilaea bilang HIMARS, sangka mas maugan nga sistemang may kariton nga may kapasidad nga magpaeupok it maabu sa kaparehong klase it mga bala kamana it Multiple Launch Rocket System.
