-- ADVERTISEMENT --
Ginpahayag ni US President Joe Biden nga haum nga magsabat ro Amerika sa oras nga maggamit it weapons of mass destruction si Russian President Vladimir Putin.
Sabat raya ni Biden sa sangka pangutana halin sa press sa anang pag-atubang sa news conference sa NATO headquarters sa Brussels matapos ro anang pakikipagpueong sa NATO leaders ag European Council angot gihapon sa nagapadayun nga kinagamo sa Ukraine.
Ginpahayag it US President nga sa makaron hay indi imaw pwede nga makatao it maskin anong information on intelligence apang ginklaro nana nga magadepende pa gihapon sa sitwasyon ro andang magiging sabat sa Russia.
