Ginpaathag ni US President Joe Biden nga uman nga magatao it dugang nga $800 million nga military assistance ro Amerika sa Ukraine.
Sa tunga raya it mas naga-grabe pa nga pag-atake it Russia sa nasambit nga nasyon nga gintawag nana nga “critical window”.
Sa anang diskurso, gin-anunsyo ni Biden nga nakataeana nga magpadaea ro Amerika it mga bag-ong shipments kaibahan eon ro mga heavy artillery ag 144,000 rounds it ammunition.
Tuyo it nasambit nga diskurso it US president nga ipahisayod sa anang nasakupan ro pinakabag-ong update sa nagakatabo nga kinagamo sa tunga it Russia ag Ukraine.
Gin-insister pa kara nga indi imaw mag-surrender kaibahan ro anang allied partners sa pagpasaka it penalidad sa Moscow ag kay Russian President Vladimir Putin.
Samtang, plano man ni Biden nga magpatigayun it formal request sa masunod nga dominggo para sa Congress agud nga maaprubahan ro ikaywang supplemental funding package para masiguro nga maayos ag madasig ro pagpadaea it bulig sa Ukraine.
