Ginpahayag ni US Secretary of State Antony Blinken nga determinado ro Estados Unidos nga buhinan ro tensyon sa Taiwan Strait para mapabilin nga euwas ro rehiyon, kaeakip ro Pilipinas, ag masiguro nga owa it magabaeabag sa pag-access sa nagapanguna nga waterway, kung siin naga-agi ro mabahoean nga bulk it mga barkong pangkalakal ukon trading ships.
Suno pa kay Blinken, nga ro pagpabilin it kahilwayan ag kapag-unan sa bilog nga Taiwan Strait hay importante bukon eamang para sa Taiwan apang para man sa Pilipinas ag maabo pang ibang nasyon.
Ro nanatabo sigon Taiwan Strait hay nakaapekto sa bilog nga rehiyon ag sa maabong pamaagi hay nakaapekto sa bilog nga kalibutan kapareho it West Philippine Sea, nga sangka kritikal nga waterway.
Samtang, gina-eauman man nga magabuhay ro Chinese military exercises hasta makaron, adlaw it Dominggo
