Kalibo Aklan———Naging positibo ro sabat it Amerika sa emosyunal nga apela ni Ukrainian President Volodymyr Zelensky sa anang pag-atubang sa mga mamalidha it US para sa dugang nga financial support, armas ag ro pagpatuman it no-fly zone sa kahawaan it andang nasyon agud nga mabuligan ro Ukraine sa pagsakop it Russia.
Suno kay Bombo International Correspondent Greg Aguilar it California, USA nga sambilog sa mga igapadaea nga armas hay ro modernong drones.
Natabing sigon ro tagipusuon bukon eamang ni President Joe Biden kundi maskin it mga pumueuyung Amerikano kat ginpakita it Ukrainian President ro mga graphic video it makaeoeo-oy nga kahimtangan it andang nasyon kapareho it pagkaguba it mga building ag mga unga nga owa eon it kabuhi bangud sa giyera.
Mag-eowas sa dugang nga military assistance hay nag apela man imaw it economic assistance .
Gusto sigon it Ukraine nga mabaeabagan ro pagpamomba sa andang nasyon it US ag NATO airforce apang medyu mabudlay sigon nga mapasugtan ro hinyu ni zelensky agud nga malikawan ro mas pang pag-eapad it kinagamo.
