-- ADVERTISEMENT --
KALIBO, Aklan—Naeowas sa pagkaeumos ro sangka residenteng amerikano samtang nga nagapaligos sa kaeawran nga sakop it Station 1 sa Brgy. Balabag sa isla it Boracay.
Ro eaeaking biktima nga una eon sa eowas nga kahimtangan hay nakilaeang si Julio Cesar Guerra, 80 anyos, residente it Sitio Bolabog sa nasambit nga isla.
Base sa report it Malay Police Station, samtang nagapaligos ro biktima hay gin-anud raya sa madaeum nga parte it dagat.
Sa mayad nga swerte hay napan-uhan raya it sangka crew it nag-agi nga paraw ag natigayon nga madaea ro biktima sa bibi it baybay.
Gindaea raya sa Ciriaco Tirol Memorial Hospital ag presenteng nagapamayad eon.
-- ADVERTISEMENT --
