Kalibo Aklan —————Malipayon ro sambilog sa mga maeapit nga amiga it world boxing champion nga si Nesthy Petecio sa amat-amat nga pag-abot kara sa anang mga handum sa kabuhi.
Suno kay Cherry Mae Regalado, sangka Aklanon beauty queen turned pencak selat national athlete nga hugut ro anang pagpangamuyo nga matuman ro target ni Petecio nga maangkon ro ikaywang gold para sa Pilipinas sa nagapadayon makaron nga Tokyo Olympics.
Naging close sigon sanda it fighter halin sa Davao Del Sur kat dungan nanda nga pag-sanay sa training center sa Manila.
Nasaksihan sigon nana ro dedikasyon ni Nesthy sa training sa pihak it mga naagyan nga kalisod, kagaoy ag limitado nga bulig it gobyerno para sa andang mga kinahangeanon nga atleta .
Makabig suno kana nga happy person si Nesthy rason nga makita kana ro pagiging positibo sa tanan nga bagay.
Kon owa it training, kaeabanan sigon nga naga hampang sanda it larong pinoy kaibahan ro iba pang atleta, apang ro anda gid nga special bonding hay ro magkaon ag mag-kape .
Sa kamatuoran suno kana hay “sabaw” ro anang kantiyaw kay Nesthy bangud nga kon amat hay matsa owa raya sa anang kaugalingon .
Sa pihak nga parte, bugaeon man sigon imaw bangud nga naging ka-roommate nana si Hidilyn Diaz nga ginatang-ea ag ginadayaw makaron matapos nga makahimo it kasaysayan sa Tokyo Olympics sa patag it weightlifting .
Naka-ibahan sigon nana raya sa andang dormitoryo nga mga atleta .
