NATIONAL News — Gin-anunsyo it Philippine Atmospheric, Geophysical and Astronomical Services Administration (PAGASA) nga posibleng magtapos ro northeast monsoon season, ukon “amihan,” sa unang parte it Marso.
Ro pagtapos it amihan hay senyales it pagsaylo halin sa maeamig ag mamaea nga tiempo paagto sa mainit ag mamaea nga season.
Ro klima sa Pilipinas hay natunga eamang sa daywang nagapangunang tiempo, ro tag-uean umpisa Hunyo hasta Nobyembre ag tigmaeaea umpisa Disyembre hasta Mayo.
Natunga man ro tigmaeaea sa maeamig ag maea nga tiempo umpisa Disyembre hasta Pebrero, ag mainit ag maea nga paniempo halin it Marso hasta Mayo.
Ro pagtapos it amihan hay nagakahueugan it pagwakas it maeamig nga paniempo nga nagdaea it manabang temperatura, northeast nga hangin, ag kon amat nga pag-uean eabi eon sa nasidlangan nga parte it nasyon umpisa Oktubre.
Kadungan kara ro pagbag-o it direksyon it hangin halin sa northeast paagto sa nasidlangan nga magadaea it mas mainit nga tiempo.
Sa masunod nga mga binuean, pagaeauman ro mas mainit ag maea nga paniempo sa pihak it posible gihapon nga mga pag-uean ag pagkilat sa hapon ukon gabi-i.
