KALIBO, Aklan—Kapin sa an-om ka mga indibidwal ro nakataeanang igaturn-over it Kalibo PNP sa mga natungdan nga barangay officials agud nga imponeran it sanction ukon multa bangud sa pag-eabag it mga raya sa naga-iral nga curfew sa banwa it Kalibo.
Ro nasambit nga indibidwal hay nadakpan it pulisya sa nagapadayon nga oplan sita sandig sa ginapatuman nga curfew ordinance kamana man agud nga matapna ro pagkalhit it deadly virus nga covid-19.
Nasayuran nga ro curfew sa banwa it Kalibo hay naga-umpisa it alas-9:00 it gabie hasta it alas-5:00 it aga-aga.
Samtang, nagapabilin sa surgical enhanced community quarantine ro Purok 1 C. Laserna St. Kalibo matapos nga nakalista it siyam nga kaso it Covid-19.
Sa pihak kara, padayon man ro pagdumdom it mga otoridad nga sundon ro ginapatuman nga minimum health protocols agud nga malikawan ro pagkalhit it pandemya.
