Kalibo Aklan ———–Uman nga ginkuwestiyon it Anak-Pawis ro naging tikang it Department of Education (DepEd) angot sa uman nga pagbukas it klase para sa school year 2021-2022 kung sa siin owa sa gihapon ginapasugtan ro face-to-face classes.
Suno kay dating Congressman Ariel Casilao it Anak-Pawis nga ginakasubo nanda nga owa it naging aksiyon ro presenteng administrasyon sa pihak it haeos masobra sang dag-on eun nga pakikipagsukoe it nasyon sa pandemya.
Dugang pa kara nga may mga lugar eun sa makarun nga manaba eamang ro nailistang kaso it coronavirusdisease ukon covid-19 kung sa siin hay puwedi eun nga maibalik ro face-to face classes.
Gin-insister dugang nga pigado eun ro pagtinueon-an it mga inunga sa nasyon umpisa nga ginpatuman ro blended learning.
Bangud kara, dapat nga mag-eatag sigon it nagakaigo nga tikang ro DepEd para maibalik ro dating set-up it pag-eskuwela kamana man nga masunod sa gihapon ro ginapatuman mga health protocol kontra COVID-19.
