Parehong nakasueod sa timbang para sa tagsa-tagsa nga hampang sa Carson, California sa adlaw it dominggo sanday Ancajas ag Marcial
Makaangkon it rematch ro 30-anyos nga si Ancajas kay Fernando Martinez para sa andang IBF super-flyweight championship.
Madumduman nga ginpiyerdi ni Martinez ro Pinoy boxer ko Pebrero sa pamaagi 12-round unanimous decision.
Sa ginpatigayun nga weigh-in, parehong nagtimbang it 114 pounds sanday Ancajas ag Martinez.
Samtang, ro 26-anyos nga si Marcial hay makasambuwa man si US boxer Steven Pichardo.
Nagtimbang it 161.2 lbs. si Marcial para sa andang 162 lbs. six-round boxing match samtang nag-eampas si Picardo it 162.4 lbs. rason nga ginpabalik raya matapos ro sang oras.
Ro hampang it daywa hay undercard sa main event nga sanday Carlos Ocampo kontra kay Sebastian Fundora para sa 12-round superwelterweight title.
