Kalibo Aklan ——Mas pang gindayaw it mga Aklanon ro aktres nga si Angel Locsin ag mga kaibahan kara matapos nga nag-abot ro anang donasyong Personal Protective Equipment (PPE) para sa mga medical workers it Aklan Provincial Hospital.
Raya hay bilang kaparte it anang proyektong UniTENT.
Bumuhos ro pagpasaeamat sa aktres, kun sa siin, ginpahayag it mga health workers ag frontliners nga mas pa sandang na-inspired nga magtrabaho ag makipagsukoe sa coronavirus disease o COVID-19 bangud kara.
Nasayuran nga nagsanib pwersa ro aktres ag ro fashion designer nga si Michael Leyva agud nga makahimo it mga hazmat suit, masks ag iba pang PPE para i-donate sa mga ospital sa nasyon.
Si Angel hay pabalik-balik eon sa Aklan bangud nga suod nga amiga kara ro unga ni dating Malinao mayor Joji Ilio nga si Ms. Lani Ilio-Diaz.
