NATIONAL News —- Ginaeauman nga maga abot sa 6.7% ro annual average growth it turismo it nasyon sa masunod nga napueong dag-on .
Suno sa pagtuon it World Travel and Tourism Council (WTTC) ag Oxford Economics, ginaeauman nga maeampasan it lokal nga turismo it nasyon ro kabilugan nga economic average growth rate nga 5.6 percent kara.
Nakikita man nga may pagtaas it 3% ro employment sa nasambit nga sektor sa masunod nga dekada nga magiging rason it dugang nga haeos 3 milyong trabaho sa nasyon.
Dugang pa it WTTC nga manami nga indikasyon raya para sa Philippine tourism ag travel sector kun sa siin nakikita ro amat-amat nga pagbangon it sektor halin sa epekto it pandemya.
Madumduman nga nag-umpisa nga magbaton it international tourist ro Pilipinas halin sa 157 nga visa-free nga nasyon ko Pebrero antes nga uman nga buksan ro border kara sa tanan nga foreign traveler makaron nga Abril.
Samtang, padayun man nga nakaalerto ro Civil Aviation Authority of the Philippines (CAAP) sa pagsueod it mga bakasyunista sa nasyon, partikular eon sa isla it Boracay.
