Ro fatty liver hay tambok nga natipon sa selula it atay ag kaeabanan hay nakikita sa mga edad 40’s ag 50’s.
Ro pagangkon it fatty liver hay masayuran base sa resulta it ultrasound.
Kaeabanan, owa raya it sintomas apang sa ibang pasyente hay nagabahoe ro atay, masakit sa tuo nga parte it tiyan ag madaling maga-oy.
Suno sa mga eksperto, posibleng may kaangtanan ro fatty liver sa pagiging matambok, mataas nga asukar sa dugo ukon diabetes, mataas ro triglyceride ag kolesterol.
Ro iba pang risk factor hay PCOS o Polycystic Ovary Syndrome, hypothyroid ag iba pang sakit.
Ginarekomenda it mga eksperto nga magkaon it daywang tasang tinuea ag daywang tasang prutas adlaw adlaw.
Pwedeng magkaon it mais, patatas, kamote, ube ag kamoteng kahoy.
Magbawas sa humay nga puti.
Mayad ro protina halin sa isda, mongo, karne, manok nga owa it tambok, low fat milk, yogurt ag soya milk.
Pili-on ro healthy fats kapareho it mani, kasoy, garbanzos ag olive oil.
Maglikaw sa butter ukon krema, mayonnaise ag sebo.
Ipabilin ro tamang timbang ag regular nga mag-ehersisyo.
Tubi ro pinakamanami nga ilimnon para kimo.
Maglikaw sa mga matam-is nga ilimnon.
