KALIBO, Aklan—Sambilog sa mga dapat tandaan sa pagbakae it bueong sa botika hay ro pagpili kung raya hay generic ukon branded.
Sa rayang simpleng pamaagi hay puweding makatipid it husto sa mga gaeastuson sa pagpabueong.
Suno kay Jennica Marie Lauron Valencia, Member ag Board of Directors it PPhA-Aklan Chapter nga ro tanan nga bueong hay may generic nga pangaean ag sa kada generic nga bueong hay puweding may katumbas nga brand name.
Dugang pa kara nga kung ro ginagamit nga pangaean it bueong hay ro anang generic name eamang, raya ro makabig nga generic nga bueong.
Apang kung ro ginagamit man nga pangaean it bueong hay ro anang katumbas nga brand name, raya ro ginakabig nga BRANDED nga bueong.
Bilang pagklaro, ro pila eamang sa mga example hay ro bueong nga PARACETAMOL nga sangka genetic nga bueong nga kilaeang ginagamit para sa eagnat.
Pila sa mga katumbas karang branded nga bueong hay ro BIOGESIC, TEMPRA ag CALPOL.
Sambilog pang halimbawa it generic nga bueong hay IBUPROFEN nga ro anang katumbas nga branded hay ro bueong nga MEDICOL.
Bangud sa daea-daeang pangaean it mga branded nga bueong, ro mga raya hay mas mahae kung igakumpara sa presyo it mga generic nga bueong.
Ro mga generic nga bueong ag katumbas karang branded nga bueong hay haeos owa man it pinagkaiba sa dosage, pamaagi it paggamit, kung siin ginagamit, mga epekto, side effect ag ro anang epekto.
Samtang owa man it kaibahan ro generic nga bueong ag katumbas karang branded nga bueong sa andang daeang pangaean ag magkaeayong presyo.
Owa it abanse sa generic ag branded nga bueong bangud pareho eamang sanda it epekto.
Ro importante eamang hay ro bueong nga pagabaek-eon hay rehistrado sa FDA ukon Food and Drug Administration ag bukon it peke.
