KALIBO, Aklan — Suportado ni Atty. Harry Sucgang, sangka political analysts sa Aklan ro mga prayoridad nga proposed bill nga ginplastar ni Pangueong Ferdinand ‘Bongbong’ Marcos Jr., partikular eon ro anti-dynasty bill.
Suno kana nga kon gusto nga makaangkon it madaeum ag maeapnagon nga pagbag-o sa sosyudad, sambilog sa mga dapat nga bungkagon hay ro political dynasties.
Ginpaathag nana nga ro political dynasties hay naga-limita sa pagapilian it mga botante ag kaeabanan nga nagaresulta sa korapsyon, pagpang-abuso ag kapigaduhon.
Bangud sa political dynasties sigon hay nagahina ro check and balance rason nga nagaresulta sa korapsyon ag owa it mapasueod nga mapuslanon nga pagbag-o.
Dugang pa kara nga dapat man nga taw-an it kahigayunan ro iba nga mapamatud-an ro andang ikasarang ag kahauman nga magserbisyo sa nasyon.
Ro public office suno kana hay gina-obra eon nga medyu personal property it political dynasties ukon personal nga negosyo ag naging manahan ro puwesto sa gobyerno.
Angot kara, gin engganyo nana ro mga botante nga likawan ro vote buying kada eleksyon agud nga masuk-ean ro pag-domina it pilang pamilya eamang sa mga posisyon sa gobyerno.
