Nagapati ro grupong August Twenty One Movement (ATOM) nga bukon pa it tamang tyempo para amyendahan ro 1987 Constitution.
Sa ulihing kahigayunan nga ginpangunahan it Administrasyong Marcos ro sangka Constitutional Convention ko 1971, sangka eskandalo it pagpanuhoe ro nag-eontad.
Ro nasambit nga eskandalo hay ro gina-alegar nga pagdumaea ni Unang Ginang Imelda Marcos sa sangka kampanya nga magapasugot kay Pangueong Ferdinand Marcos Sr. Nga likawan ro mga limitasyon sa termino nga gintaeana sa 1935 Konstitusyon, ag raya hay magatao it daean kana para mapabilin sa pwesto nga eagpas sa waeong dag-ong limitasyon nga dati man nga gintaeana it lumang Konstitusyon.
Ro 1971 Constitution hay nagdaea sa nasyon sa madueom nga sangka Martial Law regime
Apisar nga bukon it perpekto ro presenteng Konstitusyon, owa pa raya natyempo para himuon nga prayoridad nga rebisahon ro Saligang Batas, bangud sa padayon sa gihapon ro pakigsukoe it gobyerno sa Covid-19 pandemic.
