Pormal eon nga gin-aprubahan it Senado sa pangatlo ag ulihing pagbasa ro Senate Bill 2868 ukon Anti-POGO Bill, nga naga-deklarang ilegal ro tanan nga offshore gaming operations sa nasyon.
Ro proposisyon hay nakabuoe it unanimous nga suporta halin sa tanan nga 23 senador.
Suno kay Senador Sherwin Gatchalian, ro pagsabatas hay magasiguro sa daeayong pagpapundo it POGO operations, apisar matapos ro presenteng administrasyon.
Gina-sugo man it laye ro pagkumpiska ot mga propyedad ag kagamitang konektado sa POGO para malikawan ro uman nga paggamit sa ilegal nga aktibidad.
Nagpanawagan man si Senadora Risa Hontiveros sa Malacañang nga suportahan ro proposisyon, para uwa eamang raya nakadepende sa sugo it executive branch.
Mahaega sigon nga mag-angkon it klaro ag komprehensibong laye para masiguro nga indi eon magbalik ro POGO sa nasyon.
Ro pag-apruba it Anti-POGO Bill hay ginakabig nga sangka mabahoe nga tikang sa pag-kontra it gobyerno sa ilegal nga gaming operations.
