Eusot eon sa pangatlo ag ulihing pagbasa sa Kamara de Representantes ro House Bill No. 8389 nga nagabawae sa mga pamilya hasta pangaywang lebel it pagka-pamilya ag relasyon sa paagi it kasae nga dueungan nga naga-buyot it mga posisyon sa gobyerno.
Naipasa ro proposisyon sa botong 267 pabor, 20 nagpamaeabag, ag pitong abstention.
Kaibahan sa mga probisyon kara ro pag-mando sa mga kandidato nga magsumite it sinumpaang salaysay angot sa andang mga ka-pamilya nga nagadaeagan sa eleksyon ag pag-report kara sa Commission on Elections (COMELEC).
Nakabaehag man sa proposisyon ro mga sueundanan ingkaso magdaog ro mag-pamilya sa magkapareho ukon magkaibang lebel it posisyon sa sankga lugar.
Tuyo it proposisyon nga maisalaye ro pagbwae sa political dynasty nga nakabaehag sa 1987 Konstitusyon.
Nakahathat pa sa Senado ro kaparehong proposisyon.
