KALIBO, Aklan—Ro probinsiya it Antique ro masunod nga maga-host it Western Visayas Regional Athletic Association ukon WVRAA Meet sa 2025.
Suno kay Department of Education ukon DepEd Region 6 spokesman Hernani Escullar Jr., nga ro WVRAA banner hay pormal eon nga gin-turn-over sa Antique sa ginpatigayon nga closing ceremony it 2024 WVRAA Meet ko Mayo 7 nga gin-host it Negros Occidental sa Panaad Park and Stadium sa Bacolod City.
Samtang, ginpaabot ni Escullar nga naging madinaeag-on ro bag-o eamang natapos nga WVRAA Meet nga ginpatigayon ko May 2 hasta 7 nga ginpasakupan it kabilugan nga 5,695 nga delegado nga ginaeakipan it mga atleta, chaperones, coaches, trainers, ag iba pang personnel it DepEd.
Nasayuran nga sa nasambit nga numero, ro aklan hay may delegasyon nga 847.
Ro Iloilo ro uman nga gindeklarang overall champion sa tanan nga kategorya sa mga events para sa elementary ag secondary levels, paragames, ag demonstration sports.
