Napasaalima eon it Malay Municipal Police Station ro ap-at ka mga E-trikes maghalin sa Philippine National Police National Headquarters (NHQ) kon sa siin mismong si retired PNP chief PGen. Rodolfo Azurin ro nagturn-over kara sa nasambit nga taeatapan it pulisya.
Suno kay PLt.Col. Don Dicksie De Dios, hepe it Malay PNP Station nga ro nasambit nga behikulo hay nababagay sa pagpatrolya sa isla bangud nga environment friendly maskin nga ilibot pa raya sa front beach.
Ginpahayag dugang ni PLt.Col. De Dios nga eubus nanda raya nga kinahang-ean agud nga madugangan ro police mobile nga ginagamit it mga kapulisyan sa pagpatrolya eabi eon sa mga ginakabig nga strategic areas sa isla.
Ro E-Trikes sigon nga para sa Malay PNP hay kaparte it PNP modernization program.
Angot kara, eubus man ro anang pagpasaeamat nga insigida man nga gintaw-an it igataeopangod it dating hepe it pambansang pulisya ro andang request.
