KALIBO, Aklan—Arestado ro kapin sa ap-at ka mga persona matapos nga madakpan nga iligal nga nagapatigayun it pagbueang it mga manok sa Sitio Bantud, Brgy. Manoc-manoc sa isla it Boracay.
Base sa report, ginkilaea ro mga suspek kanday Joey Anthony Valencia, 35-anyos, tumandok it Manduriao, Ilo-ilo apang presenteng naga-istar sa Brgy. Manoc-manoc sa isla; Rutsel Sardanas, 35-anyos, tumandok it Pandan, Antique apang presenteng naga-istar sa Sitio Cagban; Renato Glori, 37-anyos, residente it Sitio Tambisaan ag Romel Gelito, 55-anyos, residente it Sitio Cagban sa nasambitang Barangay.
Ro mga suspek hay naaresto kasunod it ginkasa nga operasyon it mga otoridad.
Na-recover sa lugar ro tatlong ka mga manok, daywang bilog nga guff nylons, tapes ag 1,000 pesos nga cash.
Sa makarun hay nakakulong eon sa locked-up cell it Malay Police Station ro mga nasambitang suspek ag posibleng magpangatubang it kasong pag-eabag sa Presidential Decree 449 ukon Cockfighting Law of 1974.
