Kalibo Aklan —– Presenteng nagahimas it maeamig nga rehas sa ro ap-at ka mga kaeaeakin-an matapos nga madakpan nga nagapatigayun it pagbueo-bueo pasado alas 4:00 kahapon sa Brgy. Castillo, Makato.
Base sa imbestigasyon, naaktuhan it mga katapo it Makato PNP nga nagapapueok it manok ro mga suspek nga ginkilaea kanday Marlon Torres, 40-anyos ag residente it Brgy. Tina, Makato, Rey Capilihan, 44-anyos , Henry Simbahon, 52-anyos ag Joel Tapic, 29-anyos ag parehong mga residente it nasambitang lugar.
May kaangtanan kara, pilang adlaw eon sigon nga nakabaton it impormasyon ro mga kapulisan angot sa iligal nga aktibidad it mga suspek ag kahapon ginkasa ro operasyon.
Narekober sa lugar ro daywa ka mga manok, sambilog nga buhi ag sambilog nga patay, tatlong pares it tsinelas ag P600 nga balor it kwarta.
Ro ap-at hay gilayon nga gin-aresto it pulisya matapos nga mag-eabag sa Presidential Decree 1602 ag nakataeana nga iga-inquest makarun nga adlaw para sa nagakaigo nga disposisyon.
