Gin-aprubahan sa ginpatigayon nga session it sangguniang panlalawigan it Aklan ro ap-at ka mga resolusyon nga ginaduso it mga board members may kaangtanan sa pagkontra sa uman nga pagbuhi sa hagna nga House Bill 1085, pagkriar it Boracay Island Development Authority government- owned and- controlled corporation ukon BIDA GOCC.
Nakabaehag sa proposisyon ro panawagan sa daywang kongresista it Aklan partikular sa kanday first district congressman Carlito Marquez ag second district congressman Teodorico Heresco nga magbaeay it hagna nga nagakontra sa ginaduso nga BIDA Bill.
Mag-eowas kara, may eain man nga panawagan ro mga SP members para sa mga local government units partikular sa banwa it Malay nga magpasa sanda it resolusyon sa hugot nga pagkontra sa nasambit nga hagna.
Madumduman nga maskin ro mga negosyante sa isla it Boracay hay hugot nga naga-oponer sa hagna nga ginaduso it mga mamalidha.
