KALIBO, Aklan—Ap-at sa limang Akeanon ro nag-uli it medalya sa pagsabak sa torneo it 7th Asian Pencak Silat Championship and 1st Middle East Open Pencak Silat Championship ko Nobyembre 9 hasta 12 sa Dubai.
Ginkumpirma ni Freddie Jizmundo, founder it Philippine lightning speed –pencak silat Aklan nga nakabo-oe it silver medal ro mag-igkampod nga sanday Zandro Fred Jizmundo Jr., ag Shaira Julia Jizmundo sa Regu Male ag Female Senior Category samtang bronze medal sanday Jasper Jay Lachica ag Hanna Mae Ibutnande sa Solo Creative Male and Female Senior Category.
Nasayuran nga masobra sa 300 nga mga atleta ag 100 nga mga opisyal halin sa 15 nga mga nasyon sa bilog nga kalibutan ro nagtililipon para sa nasambit nga event .
Suno kay Jizmundo nga naka-uli eon sa aklan ro nasambit nga mga atleta.
Gindugang pa kara nga bangud nga tanan sanda hay miyembro it Philippine National Team rason nga maabu nga mga eskwelahan ro naga-offer kanda nga maging student athlete sa mga daeagkuan nga unibersidad sa Metro Manila.
Eubus sigon ro andang kalipay sa andang grupo bangud nga kaabuan sa andang mga pencak silat jins hay pirmeng naga-uli it dungog sa Southeast Asian Games ukon SEAG ag sa ibang mabahoe nga over¬seas competitions.
