KALIBO, Aklan—Arestado ro ap-at sa ginatantyang 20 ka mga indibidwal nga nagpatigayon it illegal nga sugae matapos nga magdaeaeagan sa oras nga ginaaresto sanda it pulisya bandang alas-4:00 it hapon sa Brgy. Linabuan Sur, Banga.
Base sa report, posoydos ro ginahampang it mga raya kat naabutan it mga nagrespondeng pulis.
Ro ap-at hay ginakaeakipan nanday Jupiter Malihan, 64-anyos; Elmer Ramos, 60-anyos; Romeo Ismalana, sa legal nga edad; ag Mark Anthony Malihan, sa legal nga edad ag tanan mga residente it nasambit nga lugar.
Narekober sa area ro sangka set it baraha ag kapin sa P210 nga balor it kwarta nga ginamit bilang taya.
Ro ap-at hay gindaea sa taeatapan it pulisya ag nakataeana nga magapangatubang sa kasong pag-eabag sa Presidential Decree 1602 ukon Illegal Gambling Law.
