KALIBO, Aklan—Nakataeanang pagahiwaton sa Hunyo 19, 2022 ro CSC Career Service Examination.
Raya ro ginpahayag ni Civil Service Commission (CSC)-Aklan Director II Leo Jamorin.
Suno kana nga umpisa sa Abril 12 hasta 28 hay magabaton ag magaproseso ro mga empleyado it CSC Aklan it mga aplikante para sa nasambit nga eksaminasyon sa City mall Kalibo.
Gin engganyo ni Director Jamorin ro mga kwalipikadong aklanon nga kalitan ro kahigayunan para sa handum nga makapasar sa exam ag makaangkon it eligibility agud nga makasueod it manami nga trabaho sa gobyerno.
Igapatuman sigon nanda sa pagbaton it aplikasyon ro first come, first serve basis ag otomatiko nga igasarado sa oras nga maabot ro andang quota.
Limitado sigon ro pagbaton nanda it examinees bangud sa covid 19 pandemic.
Pwede suno kana nga magbo-oe it eksaminasyon ro maskin sin-o man basta nga raya hay 18 anyos pataas.
Owa sigon it educational requirement nga gina-usoy para sa mga nagabo-oe it Sub ag Professional exam.
Kinahangean eamang nga mag-agto ro mga raya sa nasambit nga petsang gintaeana agud nga mag-apply kaibahan ro bayad nga P500.
Agud sigon nga mapadasig ro pagbaton it aplikasyon, i-accomplish ro forms ag pahaumon eagi ro mga requirements eakip ro valid ID ag picture.
